Niyanig kaninang tanghali ng 4.6 magnitude na lindol ang Quezon Province, ayon sa Philippine Institute of Volcanology and Seismology Phivolcs (PHIVOLCS). Naramdaman din ang pagyanig sa Metro Manila at iba pang bahagi ng Luzon, at nagbabala ang Phivolcs ng posibleng damage at aftershocks.

Umaasa ang Converge na ligtas ang ang lahat ng aming customers, at tinitiyak namin ang walang patid na serbisyo sa Luzon.

Wala kaming namonitor na malaking impact ng lindol sa aming core network, na nananatiling matatag at nag-o-operate nang ayon sa normal parameters. Patuloy naming binabantayan ang aming network sa gitna ng mga aftershock. Nagsagawa na rin kami ng mga kinakailangang hakbang para mabawasan ang anumang epekto ng lindol sa aming network facilities. 

Nanatiling naka-high alert at handang magbigay ng kinakailangang suporta ang aming teams para matiyak ang tuloy-tuloy naming serbisyo sa panahong ito.

In-activate na rin namin ang aming Disaster Preparedness and Response Protocols, na kinabibilangan ng tamang komunikasyon sa lahat ng mga apektado, site inspections, repairs, at pagpapanumbalik ng serbisyo. 

Nananatiling bukas para maglingkod sa inyo ang aming online channels. Maaari din ninyong imonitor ang Converge Support social media pages para sa karagdagang updates.

Ingat, Ka-Converge!