Niyanig kagabi ng 6.9 magnitude na lindol ang Cebu province ayon sa Philippine Institute of Volcanology and Seismology  Phivolcs (Phivolcs).
 
Hangad ng Converge ang kaligtasan ng lahat ng aming customers, partners, at mga empleyado sa apektadong lugar.

Patuloy kaming nakikipag-ugnayan sa aming partners, electric utilities, ang lokal na gobyerno, at iba pang stakeholders upang maibalik ang serbisyo sa mga apektadong lugar.

Masusi naming binabantayan ang aming network sa gitna ng mga aftershocks. Nagsagawa na rin kami ng mga kinakailangang hakbang para mabawasan ang anumang epekto ng lindol sa aming network facilities. 

Nanatiling naka-high alert at handang magbigay ng kinakailangang suporta ang aming teams para matiyak ang tuloy-tuloy naming serbisyo sa panahong ito.

In-activate na rin namin ang aming Disaster Preparedness and Response Protocols, na kinabibilangan ng tamang komunikasyon sa lahat ng mga apektado, site inspections, repairs, at pagpapanumbalik ng serbisyo. 

Sa mga nananatiling bukas na business centers, mayroong free wifi at charging stations upang makatulong sa mga nangangailangan na agarang makakonekta sa kanilang pamilya at mga kaibigan sa panahong ito.

Patuloy na bukas para maglingkod sa inyo ang aming online channels. Maaari din ninyong imonitor ang Converge Support social media pages para sa karagdagang updates.

Ingat, Ka-Converge!