Mula sa pagiging severe tropical storm, lumakas at naging typhoon na ang Bagyong Paolo, na nag-landfall sa Dinapigue, Isabela kaninang umaga, ayon sa PAGASA.

Nakataas ang Signal Nos. 3 at 4 sa mga bahagi ng Ilocos, Cagayan Valley, Cordillera, at Aurora. May signal din sa Camarines Norte at ilang bahagi ng Quezon at Central Luzon. Asahan pa rin ng malakas na pag-ulan hanggang bukas na tanghali sa kalakhan ng Luzon.

Bagama’t walang malaking impact ang bagyo sa aming core network, naapektuhan nito ang aming last-mile network sa mga lugar na nakaranas ng brownout, pagbaha, at fiber cuts. 

Patuloy na tinututukan ng Converge at ng aming partners ang sitwasyon, at ongoing na ang repair work sa Cagayan Valley, Central Luzon, at Cordillera. As of 1:05 p.m., naibalik na ang internet services sa 96% ng aming subscribers na apektado ng Bagyong Paolo.

Para matiyak ang tuloy-tuloy na serbisyo hangga’t maaari, nag-deploy rin kami ng generators para pansamantalang paandarin ang aming network hanggang sa maibalik ang commercial power. Pero dahil isinasaalang-alang namin ang ang kaligtasan ng aming crew, maaaring maantala ang repair sa mga lugar na may baha at may panganib ng pagkakuryente.

Para din sa kaligtasan ng aming mga empleyado, partners, at customers, pansamantala naming isinara ngayong araw ang aming business centers sa mga apektadong lugar, pero nagbibigay ng libreng Wi-Fi at charging ang iba pa naming business centers.

Handa ring maglingkod sa inyo ang aming online channels. Maaari din ninyong imonitor ang Converge Support social media pages para sa karagdagang updates. Abangan din ang updates at sundin ang advisories ng government agencies.

Ingat, mga ka-Converge!