Nag-landfall sa ikalimang pagkakataon ang Bagyong Opong bago magtanghali sa Oriental Mindoro. 

Nakataas ang Signal no. 3 sa Marinduque, Mindoro, Romblon, Calamian Islands, hilagang-kanlurang bahagi ng Aklan, at Caluya Islands. Nasa ilalim naman ng Signal no. 1 at 2 ang ilang bahagi ng Luzon at Visayas. Asahan pa rin ng malakas na pag-ulan hanggang bukas sa Metro Manila at ilang bahagi ng Luzon at Visayas.

Bagama’t walang malaking impact ang bagyo sa aming core network, naapektuhan nito ang aming last-mile network sa mga lugar na nakaranas ng brownout, pagbaha, at fiber cuts. 

Patuloy na tinututukan ng Converge at ng aming partners ang sitwasyon, at ongoing na ang repair work sa Bicol, Cagayan, CALABARZON, Cordillera, Eastern Visayas, Ilocos, at MIMAROPA. As of 2:32 p.m., naibalik na ang internet services sa 66% ng aming subscribers na apektado ng bagyo.

Para matiyak ang tuloy-tuloy na serbisyo hangga’t maaari, nag-deploy rin kami ng generators para pansamantalang paandarin ang aming network hanggang sa maibalik ang commercial power. Pero dahil isinasaalang-alang namin ang ang kaligtasan ng aming crew, maaaring maantala ang repair sa mga lugar na may baha at may panganib ng pagkakuryente.

Para din sa kaligtasan ng aming mga empleyado, partners, at customers, pansamantala naming isinara ngayong araw ang aming business centers sa mga apektadong lugar, pero nagbibigay ng libreng Wi-Fi at charging ang iba pa naming business centers.

Handa ring maglingkod sa inyo ang aming online channels. Maaari din ninyong imonitor ang Converge Support social media pages para sa karagdagang updates. Abangan din ang updates at sundin ang advisories ng government agencies.

Ingat, ka-Converge!